FC Valur Woman

Á morgun tökum við á móti Breiðabliki á Vodafone-vellinum að Hlíðarenda en leikurinn hefst stundvíslega klukkan 18.00. Nú eru aðeins þrír leikir eftir í Landsbankadeild kvenna og hvetjum við því alla til að mæta á völlinn og styðja okkur til sigurs á lokasprettinum um Íslandsmeistaratitilinn!!

Seinni partinn eða kl.18.00

Leikurinn í gær einkenndis í byrjun af smá stressi og baráttu og hvorugt liðið náði að halda boltanum mikið innan síns liðs. Fyrsta mark leiksins skoraði Margrét Lára Viðarsdóttir þegar hún slapp í gegnum vörn KR eftir langa sendingu frá Sif Atladóttur. Bæði Rakel og Dóra María hefðu getað bætt við en tókst ekki að nýta sín færi. KR fékk að sama skapi nokkur hálffæri í fyrri hálfleik en náði ekki að skora og staðan var því 1-0 þegar flautað var til hálfleiks.

Á morgun spilum við gegn KR í Frostaskjóli kl. 16.00 í 15.umferð Landsbankadeildar kvenna. Fyrri leikur liðanna endaði 2-1 okkur í hag þar sem Dóra María Lárusdóttir skoraði sigurmarkið 5 mínútum fyrir leikslok.

Það var þvílík stemning í liðinu í kvöld þegar við mættum í Mosfellsbæinn í frábæru fótboltaveðri. Það er skemmst frá því að leikurinn endaði 8-0 okkur í hag eftir hreint út sagt magnaðan seinni hálfleik. Kata fyrirliði var hvíld vegna meiðsla í hæl sem hún varð fyrir í síðasta leik. Íþróttamaður ársins, Margrét Lára Viðarsdóttir tók við fyrirliðabandinu í staðinn.

Við tókum strax öll völd á vellinum án þess þó að skapa okkur nein afgerandi marktækifæri strax. Fyrsta mark leiksins kom eftir aukaspyrnu Margrétar Láru sem hafði viðkomu í varnarmanni Aftureldingar. Aukaspyrnan var dæmd á vítateigslínu eftir að markvörður Aftureldingar hafði farið útur teig með boltann í útsparki.
Hin danska Siv Rykær skoraði næsta mark með skalla eftir að Marco flikkaði honum í slánna og út eftir langt innkast Pálu.
Inná milli var vallarþulur leiksins duglegur að kveikja á skemmtilegum lögum og koma með sögur af leikmönnum Aftureldingar sem voru víst bitnar í afturendan af hundi greyin. Kata tók samt til sinna ráða og gerði ,,Reiðu röddina sína“ þegar jólalög hljómuðu útum allt á 43.mínútu.
Staðan var 2-0 í hálfleik og markaveislan rétt að byrja.
Seinni hálfleikurinn byrjaði allsvakalega en Sif var komin á kantinn og fékk að hlaupa þar vilt og tryllt eins og antílópa. Siv Rykær gaf þá góðan bolta uppí horn á Atladóttur sem gaf hann fyrir á Dóru Maríu Lárusdóttir sem þrumaði honum í netið. Geggjað mark og staðan orðin 3-0!!
DML skoraði líka næsta mark en það var eftir að við unnum boltann eftir hornspyrnu og þær DMLV komust í gegn með fínu samspili.
Næst var komið að fyrirliðanum í kvöld, Margrét fékk þá boltann, klobbaði góðvinkonu okkar allra, Ellu Franz og þrumaði boltanum í þaknetið! Staðan 5-0.
Kristín Ýr Bjarnadóttir átti síðan innkomu ársins í kvöld. Hún kom inná og skoraði þrennu! Það fyrsta skoraði hún eftir góða hornspyrnu Margrétar Láru. Næst átti Fríða fallega fyrirgjöf á hana og Kristín gerði sér lítið fyrir og tók flottan flugskalla á þetta. Þriðja og áttunda mark Vals skoraði hún eftir klafst í teignum hjá Aftureldingu.
Lokatölur urðu hvorki meira né minna en 8-0 og frábær sigur í höfn. Kata fékk kærkomna hvíld þar sem hællinn er enn að angra hana greyið. Sophia fékk ekki að spila vegna heiðursmannasamkomulags milli Vals og Aftureldingar og Thelma var fersk í leikmannahópnum.
Liðið:Randi (Ása), Pála (Kristín Ýr), Ásta, Sif, Vanja, Helga Sjöfn, Siv, Fríða, Rakel (Hallbera), Dóra María og Margrét Lára

Í hádeginu í dag, miðvikudag, voru veittar viðurkenningar fyrir umferðir 7-12 í Landsbankadeild kvenna og fór afhendingin fram í höfuðstöðvum KSÍ í Laugardal. Í liðinu voru fjórir Valsarar þær

Ásta Árnadóttir, Katrín Jónsdóttir, Dóra María Lárusdóttir og Margrét Lára Viðarsdóttir. Innilega til hamingju allar!!!

Næsti leikur okkar verður síðan á föstudaginn gegn Aftureldingu kl.19.15 Í Mosfellsbænum, allir að mæta!!