FC Valur Woman

Við höfum verið á dálítilli pásu frá lengjubikarnum en samt langt frá því að vera í fríi þar sem við erum búnar að vera að spila æfingaleiki við Vals og ÍA stráka. Við skulum bara orða það þannig að seinni leikurinn sem var við ÍA gekk mun betur en sá fyrri:)

Kata að passa að Ása sé alveg örugglega að vinna í byssunum

Takk Gugga fyrir góðar leiðbeiningar.



En jæja smá breytingar á æfingaáætluninni:



Æfingaleikurinn á föstudaginn 23.mars færist um eina viku og verður föstudaginn 30.apríl kl. 19.00 á Skaganum.

laugardaginn 24.mars Æfing kl. 11.15 í Egils

FRÍ hjá öllum sunnudaginn 25.mars

Mánudaginn 26.mars æfingaleikur við 3.flokk ka Vals á Framvelli kl. 20.30

Jæja það var nú bara allt ...



Þetta þýðir að Kata fær extra tíma til að undirbúa RISApartýið á föstudag :)

Var ekki eitthvað þema? Kata ætti nú að kunna það hehe


Vá hvað það verður gaman að vera með æfingu á laugardagsmorgun cant wait...

Í gærkvöldi spiluðum við á móti Fylki í Egilshöll þar sem við gátum í fyrsta sinn valið úr öllum leikmannahópnum en Dóra María er t.a.m. á landinu í “spring break”.
Við vorum ekki lengi að skora fyrsta mark leiksins en Dóra María átti þá frábæra sendingu frá hægri á kollinn á fyrirliðanum Katríni Jóns sem skallaði boltann rakleiðis í netið. Kata skoraði einnig annað mark leiksins þegar hún komst ein í gegn og renndi boltanum snyrtilega framhjá markverðinum, aftur skoraði hún eftir mjög góðan undirbúning Dóru Maríu! Kata ætlar greinilega að halda uppteknum hætti með skallamörkin og markaskorun!
Næst var komið að Margréti Láru en hún náði að skora þrennu áður en það var flautað til hálfleiks! Fyrsta mark hennar og það þriðja í leiknum var þegar Kata vann skallabolta á miðjunni og skallaði innfyrir vörn Fylkis, Margrét komin ein í gegn og smellti honum uppí í hægra hornið.
Fjórða mark okkar kom síðan þegar við fengum aukaspyrnu frá vinstri sem Margrét Lára tók, hún skaut og markvörðurinn varði boltann en það var of seint þar sem línuvörðurinn flaggaði að boltinn væri kominn inn fyrir marklínuna og gott og gilt mark var dæmt!
Fimmta markið var einkar glæsilegt, vanja geysist upp hægri kantinn sólaði varnarmenn fylkis uppað endamörkum og renndi boltanum út á Margréti sem kláraði færið með viðstöðulausu skoti í nærhornið.
Snemma í hálfleiknum meiddist Sif á ökkla og var skipt útaf fyrir Ástu Árna og vonum við að meiðsl hennar séu ekki alvarleg.
Staðan 5-0 í hálfleik og hefði getað verið enn meiri munur á liðunum en við fórum illa með mörg færi, þá sérstaklega eitt þegar hallbera átti frábæra sendingu á Dóru Maríu sem kom boltanum framhjá markverði Fylkis og á Margréti sem skaut því miður yfir á markteig. Þrátt fyrir að vera 5-0 yfir í hálfleik var margt sem mátti bæta og laga.
Í hálfleik var Rakeli og Guðný skipt útaf fyrir Thelmu og Lindu.
Það mátti halda að annað lið hafi komið inná í seinni hálfleik en við komumst einhvern vegin aldrei í takt við leikinn aftur, allavega ekki til að byrja með. Fylkir skoraði næsta mark leiksins og var það eftir smá klúður hjá okkur en Anna Björg nýr landsliðsmaður Íslendinga komst ein inn fyrir og klobbaði grænklæddan markvörð Vals.
Margrét Lára og Dóra María bjuggu síðan til gott færi fyrir Vönju sem skoraði sjötta mark okkar. Stuttu síðar átti Dóra María fyrirgjöf frá hægri til Margrétar sem átti skot sem markvörður Fylkis varði vel en boltinn datt til Bjargar sem þrumaði boltanum í netið og staðan orðin 7-1. Síðasta mark leiksins var frábært frá upphafi til enda, Gugga greip boltann og kastaði útá Dóru Maríu sem tók strax þríhyrning við Margréti og beint í fyrirgjöf á Vönju sem skallaði boltann í nærhornið!
8-1 sigur í höfn en ljóst er að liðið getur samt spilað miklu betur og þá sérstaklega í seinni hálfleiknum. Dóra María lífgaði rosalega mikið uppá sóknarleikinn og lagði upp mikið af mörkum og færum og ljóst er að það er mjög mikilvægt að fá hana tilbaka í sumar frá USA. Kata vann bókstaflega alla skallabolta nánast hvar sem er á vellinum í fyrri hálfleik og var mjög dominerandi á miðjunni. Í seinni hálfleik misstum við svolítið miðjuna og það þurfum við að laga. Marco með þrennu í gær og stendur alltaf fyrir sínu. Vörnin var heilt yfir ágæt þar sem Fylkir náði ekki að skapa sér mikið af færum fyrir utan markið þeirra.

Liðið: Gugga, Sif (Ásta), Pála (Anna), Fríða (Sara), Guðný (Linda), Rakel, (Thelma) Kata, Dóra María, Hallbera (Björg), Vanja og Margrét Lára

http://www.fansoccer.de/natio/algarvecup2007/spielberichte/galeriesiegerehrung/galeriesieger07.htm

og byssa mars mánaðar... úllala!!

Leikurinn byrjaði á meðan leikmenn voru nánast enn inní búningsklefa að skipta um treyjur og með hugann við eitthvað allt annað en fótbolta þegar Keflavík komst yfir strax á 2.mínútu en boltinn skoppaði í gegnum vörnina og Guðný Þórðardóttir skoraði auðveldlega yfir Guggu. Strax á þriðju mínútu ákvað markvörður Keflavíkur að byrja að tefja og hefði dómarinn getað mun oftar en einu sinni dæmt open aukaspyrnu á hana. Við áttum í miklum erfiðleikum með að halda boltanum innan liðsins og einfaldar sendingar að klikka alltof oft. Kata jafnaði metin á 31.mínútu með frábæru skallamarki eftir mjög góða sendingu frá Hallberu. Margrét opnaði síðan markareikning sinn að nýju með Val á 38.mínútu þegar Sif átti mjög góða sendingu frá hægri og eftirleikurinn auðveldur fyrir Marco. Margrét Lára skoraði einnig þriðja mark leiksins í uppbótartíma fyrri hálfleiks (sem hefði átt að vera lengri vegna tafa) en hún fékk stungu frá fyrirliðanum Kötu sem sendi hann í gegn með vinstri og Margrét kláraði færið glæsilega, setti hann í nærstöng og inn.
Staðan var 3-1 í hálfleik og var mjög fátt sem hægt var að hrósa nema þá kannski bara mörkin sem við skoruðum. Það hefði hæglega verið hægt að réttlæta nánast 11 breytingar í hálfleik að kannski nokkrum leikmönnum undanskyldum.
Beta gaf þó leikmönnum örlítin séns í viðbót en skipti síðan Söru fyrir Lindu og Guðný fór fljótlega útaf veik fyrir Möggu.
Í seinni hálfleik kom síðan Kata Jóns okkur í 4-1 á 51.mínútu en hún stefnir greinilega á að spila framar og framar á vellinum:) Fleiri urðu mörkin ekki. Pálu var skipt útaf undir lok leiksins fyrir Önnu Maríu og verður að viðurkennast að varamennirnir náðu ekki að breyta gangi leiksins í þetta sinn.
Það má segja að dómari leiksins hafi átt enn verri leik en liðið og hann tók hreint út sagt ótrúlegar ákvarðanir í leiknum, sleppti augljósri vítaspyrnu þegar Margrét var felld innan teigs í seinni hálfleik og dæmdi af okkur löglegt mark í fyrri hálfleik. Hann toppaði síðan frammistöðuna með því að gefa hinni síprúðu Katrínu Jónsdóttir gult spjald fyrir að rífa kjaft?
4-1 varð niðurstaðan í kvöld og erum við enn að pússla liðinu saman enda miklar róteringar í gangi. Vanja og Rakel voru meiddar, Fríða veik og Guðný fór síðan veik útaf. Ásta og Margrét spiluðu síðan í fyrsta sinn eftir langa fjarveru.
Í mjög slöku liði Vals í kvöld var Hallbera best auk þess sem Kata átti fína spretti inn á milli.
Liðið: Gugga, Ásta, Hallbera, Pála (Anna María 81.) Björg, Kata, Sif, Guðný (Magga 58.), Sara (Linda 56.), Thelma og Margrét Lára.

p.s heitustu fréttirnir eru samt þær að Laufey Jó kíkti á æfingu á fimmtudag og vonumst við til að sjá hana næst með hlaupaskóna!

U19 ára landslið kvenna mun taka þátt í æfingamóti á La Manga í mars og hefur Ólafur Þór Guðbjörnsson, landsliðsþjálfari U19 kvenna, valið 18 manna hóp fyrir mótið. Leikið verður gegn Ítalíu, Englandi og Danmörku á þessu móti. Í hópnum eru fjórir Valsarar, Ása, Anna, Björg og Linda - til hamingju allar og gangi ykkur vel!

Hér er hópurinn í heild:
http://www.ksi.is/media/landslid/u19kvenna/U19_kvenna_LaManga_2007_hopur.doc
ÁFRAM ÍSLAND!