FC Valur Woman

Sigurður Ragnar Eyjólfsson, landsliðsþjálfari kvenna, hefur tilkynnt landsliðshóp sinn sem fer til Slóveníu og leikur gegn heimastúlkum. Leikurinn fer fram sunnudaginn 26. ágúst og hefst kl. 15:00.

Í dag spiluðum við ellefta leik okkar í deildinni í blíðskaparveðri í Keflavík á virkilega góðum grasvelli og öll aðstaða suður með sjó til fyrirmyndar. Dagurinn hófst með rútuferð frá Valsheimilinu en liðið virðist alltaf spila betur eftir rútuferðir. Við byrjuðum leikinn ekkert sérstaklega vel en sköpuðum okkur þónokkur færi sem serbneski markvörðurinn Jelena Petrovic varði öll flest. Á 21.mínútu urðum við fyrir áfalli þegar Vanja var borinn meidd af velli en hún fékk hné í höfuðið á sér og vankaðist alvarlega við það og var flutt með sjúkrabíl enda tekur maður ekki séns á svona meiðslum. Nína kom inná í hennar stað og hún átti svo sannarlega eftir að láta til sín taka. Á 27.mínútu rufum við síðan varnarmúr Keflvíkinga. Kata átti skot að marki sem fór í varnarmann og þaðan til Margrétar í teignum sem setti boltann laglega í hornið. Eftir þetta opnuðust allir flóðgáttir. Kata skoraði eftir fyrirgjöf frá vinstri annað mark okkar í leiknum, skömmu áður hafði hún átt góða tilraun til hjólhestaspyrnu sem mislukkaðist þó. Aðeins þremur mínútum síðar eða á 35.mínútu skoraði Guðný þegar hún kom askvaðandi á fjærstöng og renndi boltanum í netið eftir frábært samspil upp völlinn. Nína skoraði síðan fjórða mark okkar á 39.mínútu en á þessum tímapunkti voru keflvíkingar spilaðir sundur og saman. Margrét skoraði síðan mínútu síðar þegar Rakel átti fyrirgjöf frá vinstri og serbneski markvörðurinn missti boltann beint í fætur Margrétar sem átti ekki erfitt með að renna boltanum inn. Á 44.mínútu var síðan dæmd vítaspyrna, Guðný var í baráttu í teignum og boltinn fór í hendina á varnarmanni keflvíkinga. Víti var dæmt sem Margrét tók og skoraði örugglega, staðan var því orðin 6-0. Við náðum að bæta við öðru marki fyrir leikhlé en Keflavíkurliðið virtist enn vera að svekkja sig á fyrri mörkum og sofnuðu á verðinum, Margrét fékk góða sendingu innfyrir, tók boltann á kassann og renndi boltanum í hornið fjær. ÓTRÚLEGUR 20.mínútna kafli hjá okkur, en við skoruðum semsagt 7 mörk á þessum tíma. Í hálfleik fór Berry útaf fyrir Fríðu sem kom inn djúp á miðju. Dóra María var færð í bakvörð en hún hefur prófað flestar stöður í undanförnum leikjum. Við róuðumst aðeins í seinni hálfleik en færin létu þó ekki á sér standa. 8. mark leiksins kom eftir langt útspark úr markinu inn fyrir vörnina og Margrét kominn ein í gegn og gerði þetta laglega og staðan því 8-0. Á 71.mínútu kom Linda inná í hægri bakvörð og Kata fór útaf. Síðasta mark leiksins kom úr vítaspyrnu á 86.mínútu þegar Dóra María var felld innan teigs og réttilega dæmt víti. Margrét skoraði örugglega úr spyrnunni og innsiglaði 9-0 stórsigur á Keflavík. Í seinni hálfleik voru nýjir hlutir prófaðir en Sif fór í senterinn og var óheppin að setja ekki 1-2 mörk. Pála hefur verið að koma inní í hornum og var virkilega hættuleg en markvörður Keflvíkinga náði að verja 2x vel frá henni. Dóra María hefur verið að spila FRÁBÆRLEGA fyrir liðið og er hreint sorglegt að þetta hafi verið hennar síðasti leikur með Val þetta árið en hún fer fljótlega aftur til USA þar sem skólinn býður hennar.
9-0 frábær sigur í höfn, Keflavík sá aldrei til sólar, sköpuðu sér nokkur hálffæri sem vörnin átti ekki í vandræðum með og við vorum virkilega hættulegar frammávið og settum 9 stykki í dag. Frábær endir á þessari leikjahrynu en nú er kærkomið “smá-frí” eftir evrópukeppnina og deildarleik þar sem það er landsleikur í næstu viku og frí í deildinni. (og við ekki lengur í VISA-bikarnum...)
Liðið: Gugga, Ásta, Pála, Sif, Guðný, Kata (Linda 71.) Vanja (Nína 21.) Dóra María, Rakel, Hallbera(Fríða 46.) og Margrét Lára.

Já ég sagði bara bless í bili.

PARTY Á MORGUN Í GARÐASTRÆTINU!!!!

Húsið er númer 19 og ég veit ekki hvort bjöllurnar virka. Kem með ítarlegri leiðbeiningar á morgun.

Berry....aftur

Þar sem ég er ekki þekkt fyrir það að skorast undan áskorunum s.s. að syngja Whitney Houston, dansa og halda kynfræðslu með ofnhanska þá ætti ekki að vera mikið mál að setja saman 1 stk ferðasögu.....vona ég

Alright! Ferðin hófst á Hlíðarenda klukkan 5 ef mig rangminnir ekki en vegna tafar á fluginu til Fjöreyja vorum við farnar í loftið um rúmlega 10!!! En þá var ekkert annað að gera en að skella sér í vesturbæjarís og fá sér einn gamlan og einnig voru búnir til nokkrir skopparaboltaleikir sem slógu all svakalega í gegn og tíminn flaug áfram :)

Loksins komumst við þó á áfangastað þar sem 17 ára öfuga stórreykingarkonan María tók á móti okkur. Þá var förinni heitið í heitasta pláss Færeyja...Klaksvik.
Við áttum gistipláss í heimavist Tekniska Skolen og allir farnir að hlakka til að komast í rúmin sem María sagði að biðu eftir okkur. ahhh...

Ennnnn.....Aðkoman var allt önnur en við áttum von á og það sem beið okkar voru litlir fangaklefar með 2 grjóthörðum beddum þar sem mölétin sængurföt og sömuleiðis handklæði biðu okkar. Beta sá sig neydda til þess að halda fund áður en við færum upp í herbergin og vara dekruðu íslendingana við aðstæðum. En þar sem við erum af víkingum komnar þá létum við þetta smámál ekkert á okkur fá og sváfum eins og steinar...svona næstum því.

Veðrið fyrsta daginn var gott á íslenskan mælikvarða, sól og dálítið kalt en heimamenn voru búnir að rífa sig úr við fyrsta sólargeisla. Við skildum afhverju næsta dag, því þá tók þokan og rigningin við alla ferðina eða heila viku.

Þeir sem vilja lesa um leikina geta skrollað niður því ég nenni ekki að skrifa neitt um þá nema það að við spiluðum mjög vel allt mótið og þó að lykilleikmenn voru hvíldir hélt liðið alltaf dampi (flott orð...vona að ég sé að nota það rétt)

En við reyndum eins og við gátum að skemta okkur í góða veðrinu og voru tölvurnar mjög vinsæl afþreying en einnig var spilaður póker þar sem "the queen" var ósigrandi en minni spámenn eins og "the tornado" sem seinna var kallaður golan og "catwoman" áttu misgóðu gengi að fagna. En svo var líka sett upp virkilega óhugnalegt draugahús í stigaganginum og eldhúsinu sem margir voru á taugum eftir. Elísabet Gunnarsdóttir var þar fremst í flokki ásamt nokkrum hjálparsveinum og mátti sjá tár á hvarmi leikmanna og aðstoðarþjálfara. Nefni engin nöfn...Freysi......

Svo varð það hin ógurlega víxla....en þar sem ég er bundin þagnareyði þá segi ég ekki meira um hana :)

En lokakvöldið var mjög eftirminnilegt. Valsliðið fór á kostum á lokahófinu þar sem hver stjarnan á fætur annari tróð upp og stóð upp úr gítaratriði Önnu Garðars sem bætti heldur betur fyrir HRÆÐILEGT uppistands sem hún þurfti að halda vegna lélegrar útkomu í money square. Svo var ein stelpa sem söng One moment in time, og mátti sjá mörg grátbólgin augu eftir flutninginn. Færeyskur bjór og Jolly var teygað og nokkrir orðnir ansi hressir og því var ekki annað hægt að gera en að halda uppí skóla og halda break keppni. En ég held að það sé óhætt að segja að Freysi hafi sigrað hana með yfirburðum með mjög frumlegar útfærslur af skrikkdansi.
Nokkrir extra harðir ákváðu þá að kíkja á heitasta bar bæjarins, Maveric og fékk górillan að fara með en hún vakti mikla kátínu heimamanna.

Síðasta nóttin á þessum æðislega stað var veruleiki. Haldið var í háttinn við mikla sorg og söknuð. Við áttum aldrei eftir að liggja aftur á hörðu beddunum. Við áttum aldrei eftir að finna fúkkalyktina af sængurfötunum aftur. Við áttum aldrei eftir að borða yndislega matinn á hótelinu aftur. Við kvöddum Færeyjar með miklum trega það eitt er víst. En það var svosem ágætt að koma aftur á Íslandið góða þar sem við fengum smá móttöku í valsheimilinu með dominos og gosi. Takk fyrir það.

En dömur mínar og herrar, börn og aðrir.

Ég þakka lesninguna og vona að þið getið lesið þessi djúpu og menningarlegu orð.

Bless í bili....Berry

Vegna óviðráðanlegra aðstæðna, varð seinkun á flugi okkar til Fjöreyja.
Þá er allveg dásamlega tilvalið að gera eina sívinsæla heyrst hefur færslu!!!

Heyrst hefur að..........

• Dóra hafi verið í eldheitum faðmlögum í brekkusöngnum.
• Anna Garðars hafi keypt sér bíl með ælu í loftinu og hélt hann væri 5 dyra en svo kom í ljós að hann var aðeins 3 dyra!!!
• Kata hafi tekið slumm áður en hún fór til Fjöreyja
• víxlan nálgist óðfluga og baibíin eru orðin stressuð.
• María Lind Gylfadóttir eigi EKKI vegabréf
• Teddi gangi undir nafninu Tiger boy
• Hallbera heiti Hallbera Guðný
• stjörnusíðan fíli VAL
• blind date sé málið í dag
• Bíllinn hennar Önnu sé ógeð
• Anna (já aftur) elski Dodda Birgirs :)
• Beta þurfi nýja klukku
• Ragga taki myndavélina með til Færeyja, og ætli að setja heimsmet í teknum myndum
• Freysi bauð kæró út að borða en svaf yfir sig (rómó gæi)
• Margrét sé á föstu
• Orri hafi aldrei farið til Eyja.....honum er aldrei hleypt í gegn
• Klósettin heima hjá Söru (semí valsara) sé alltaf upptekin!!!
• Kata hringi í hundraðogþrettán í ítrustu neyð
• og 3081 fyrir kynlífsþjónustu
• Að nú þurfum við að fara út á flugvöll
• kveðja Berry og Marco Póló :)

Það er ljóst hver er ljósmyndastjarnan í liðinu