FC Valur Woman

Nýliðarnir HK/Víkingur í Landsbankadeild kvenna riðu ekki feitum hesti þegar þær mættu til leiks í kvöld í kórnum. Þær mættu þaulskipulögðu Valsliði (og “alveg” óþreyttu) sem náði að spila þær sundur og saman á köflum.
Fyrsta mark leiksins kom eftir cirka 15 mínútna leik þegar Linda Rós átti frábæra sendingu yfir á Andreu Ýr sem spilaði á hægri kantinum, Andrea keyrði að markinu og smellti boltanum uppí samskeytin hægra megin.
Annað mark leiksins kom eftir hornspyrnu! Margrét átti góða hornspyrnu frá vinstri sem Kata náði að skalla í klafsi, Guðný náði frákastinu og skallaði “pulsu” skalla í netið! Frábært mark og 1-0 fyrir Freysa. Margrét átti næsta mark leiksins þegar hún skaut rétt fyrir utan vítateigin vinstra megin og setti hann í fallegan banana yfir markmanninn uppí hornið hægra megin. Staðan orðin 3-0. Stuttu síðar átti Margrét aftur skot utan teigs á markið og boltinn náði að leka í markhornið hægra megin (kotasælumark dauðans). Berry átti síðasta mark fyrri hálfleiks og var það einkar glæsilegt. Við unnum boltann í vörninni, Anna sendi stórglæsilega sendingu inná Hallberu a.k.a Antílópuna sem smellti honum í fyrsta í fjærhornið! Fullorðins...
Kata kapteinn setti síðan eitt mark í fyrri hálfleik en Kata virðist vera farin að skora í hverjum leik sem hún spilar!!

Staðan var 6-0 í hálfleik. EG og FA gerðu þrjár breytingar á liðinu í hálfleik. Pála kom inn fyrir Ástu, Hlíf fyrir Lindu og Katrín Gylfa fyrir Guðný.

Hin 15 ára Katrín Gylfadóttir þurfti ekki nema 35 sekúndur til að skora fyrsta mark seinni hálfleiksins. Hún keyrði upp völlinn og spilaði einnar snertingar fótbolta við þjálfarann sinn, Margréti Láru, komst ein í gegn og renndi boltanum niðri í hægra hornið – stórglæsilegt mark, fullorðins eins og Freysi myndi orða það.
Katrín Gylfa var síðan aftur á ferðinni þegar Anna Garðars átti sína aðra stoðsendingu í leiknum, en hún átti hreint frábæran leik á miðjunni í kvöld, inná Katrínu sem gerði allt eins og í kennslubók og renndi boltanum niðri í fjærhornið. Staðan orðin 8-0 og Katrín komin með 2 mörk! Nafna hennar og fyrirliði setti síðan sitt annað mark í leiknum þegar Margrét slapp inn fyrir hægra megin og renndi boltanum niðri fyrir markið á Kötu sem setti boltann snyrtilega í netið.
Helga Sjöfn sem spilaði í miðverði í kvöld var skipt stuttu seinna útaf fyrir Maríu Rós.
Margrét skoraði síðan sitt þriðja mark í leiknum eftir að Katrín Gylfa vann boltann á miðjunni, gaf á Berry sem renndi honum inná Margréti sem var sloppin ein í gegn. Margrét kláraði færið vel og fullkomnaði þrennu sína í leiknum. Staðan orðin 10-0!!!
Rakel Logadóttir kom inná fyrir Margréti Láru þegar um 15 mínútur voru eftir af leiknum. Hún var ekki lengi að setja mark sitt á leikinn en hún skoraði fallegt mark eftir góða sendingu frá Hallberu og kom okkur í 11-0!
Lokatölur leiksins voru 11-0 og ber helst að nefna frammistöðu tveggja leikmanna. Anna Garðarsdóttir sem átti sinn besta leik til þessa í Valsbúningnum og innkoma hinnar 15 ára gömlu Katrínar Gylfadóttur. Katrín kom inná með þvílíkan kraft og gjörsamlega breytti leiknum fyrir okkur, setti sjálf 2 stykki, vann ótal tæklingar og lagði upp færi fyrir félaga sína.
Glæsilegur 11-0 sigur í höfn og fullt hús stiga í Reykjavíkurmótinu.