FC Valur Woman

Í kvöld spiluðum við okkar fyrsta leik í Reykjavíkurmótinu á móti Fylki og fengu þeir áhorfendur sem lögðu leið sína í Egilz að sjá vægast sagt slakan fótbolta því miður. Leikurinn byrjaði þó ágætlega fyrstu 10 mínúturnar en við náðum þó aldrei að skapa okkur nein áberandi góð marktækifæri. Dóra María kom okkur síðan yfir á cirka 35.mínútu eftir góða sókn en það reyndist sigurmarkið í leiknum sem endaði 1-0. Fátt markvert gerðist fleira í fyrri hálfleik en helst ber að nefna fína rispu Rakelar sem kom sér í gott færi en var felld rétt utan teigs og dæmd var aukaspyrna á hættulegum stað. Sif tók spyrnuna sem fór því miður rétt yfir markið. Í hálfleik voru gerðar tvær breytingar á liðinu, Hallbera og Ásta Magga fóru inná fyrir Guðný og Björgu.
Seinni hálfleikurinn var svipaður og sá fyrri, við réðum gangi mála en náðum ekki að skapa okkur nógu góð færi. Þegar við fengum færi náðum við einfaldlega ekki að nýta þau. Fylkisstúlkur voru samt mjög heppnar á tímum en þær náðu að bjarga á marklínu þónokkrum sinnum. Leikurinn endaði eins og áður sagði 1-0 og er mjög margt í okkar leik sem við þurfum að lagfæra. Það var klárlega mikill “janúarbragur” á þessum leik, allir leikmennirnir fengu að spreyta sig en því miður er ekki hægt að segja að neinn hafi staðið sig neitt sérstaklega vel. Pála og Sif voru skástar í döprum leik okkar í kvöld. Rakel átti eina og eina góða rispu og hefði verið fínt að fá fleiri þannig framtök frá öðrum framliggjandi leikmönnum liðsins.

Liðið: Gugga (Ása), Pála, Ásta (Anna), Guðný (Hallbera), Björg (Ásta Magga), Sif, Kata, Vanja, Dóra María, Rakel (Thelma) og Nína

Næsti leikur okkar er laugardaginn 27. janúar við Þrótt í Egilshöll klukkan 13.00.