FC Valur Woman

Jæja núna erum við komnar heim eftir frábæra ferð til Kokkola. 3 leikir 9 stig semsagt 100% sigurhlutfall sem er framúrskarandi árangur. Við settum nokkuð ítarlega umfjöllun um fyrstu tvo leikina á valur.is en þessi pistill fjallar að mestu um hvað við gerðum annað en að spila fótbolta í Kokkola ;)
Þegar við mættum uppá Hótel Kokkóla vorum við orðnar nokkuð þreyttar eftir langt ferðalag en við flugum frá Keflavík til Helsinki og síðan Helsinki til Kokkola (og stoppuðum m.a í e-h borg í Finnland sem ég man ekki alveg hvað heitir, þetta var svona “fly-bus” bara) Nokkrir leikmenn liðsins eyddu tímanum í fluginu í nýju spili sem við fundum upp, kýs að kalla það “giskaðu og dragðu” (smá einkahúmor í gangi) Daginn eftir var leikur við Roa. Það þurfti lítið til að gera okkur “trylltar” fyrir þann leik, það var nóg að vita að þær voru þá þegar byrjaðar að tala um næsta riðil. Eins og flestar vita núna unnum við þann leik 4-1 í FRABÆRUM leik. Toppnum var náð þegar Rakel tók hið alfræga handartrikk, þ.e þegar hún þykist ætla að grípa boltann, og fór síðan fram hjá norsku píunni fyrir framan norska varamannabekkinn og ALLIR í stúkunni sprungu úr hlátri.. Ótrúlegt hvað liðið okkar er healthy, allir í pasta pasta upp á hóteli eftir leikinn meira að segja þegar þjálfarinn vildi panta pizzu á liðið..
Daginn eftir var reyndar chill að mestu, létt æfing og síðan fóru flestir að sofa meðan aðrir fóru í göngu um hina stórbrotnu Kokkolaborg og náðu að versla svolítið. Síðan var það leikurinn við heimastúlkurnar FC United. Leikurinn endaði 2-1 og það verður að viðurkennast að við vorum mjög ánægðar þegar dómarinn flautaði þetta loksins af enda voru síðustu mínúturnar nokkuð erfiðar. Eftir leikinn var allt uppbókað hjá Jóa sjúkraþjálfara þar sem hálft liðið lenti í tveggja fóta tæklingum, flugubitum, höfuðhöggum og fleiru. Margrét og Beta fóru í viðtal við finnska sjónvarpið sem var þýtt snilldarlega af Unnari framkvæmdarstjóra: Finnska í sænsku, sænska í íslensku, svarið kom á íslensku í sænsku og sænsku í finnsku. Jájá..segjum það..
Daginn eftir fór liðið í hina “stórskemmtilegu” keilu. Sumir fóru á kostum, aðrir ekki..Dóra Stefáns náði 4 eða 5 fellum í röð á meðan Rut setti þetta í rennurnar...Unnar þurfti að horfast í augu við Idolið, enda vorum við komnar áfram uppúr riðlinum. Síðasti leikurinn var við Eistnesku meistarana og tókum við þann leik nokkuð létt 8-1 og fullt hús stiga var niðurstaðan úr mótinu:) Eftir leikinn fórum við út að borða í boði Vals og síðan var stokkið á Karókí bar þar sem flestir leikmenn liðsins tóku lagið og má þar nefna stórlög eins og “simply the best” ,“it’s my life” og að sjálfsögðu “we are family” síðan tók Idol kóngurinn sjálfur dúett með Erlu “something Stupid” (með Robbie Williams og Nicole Kidman) við brjálaðar undirtektir og píkuskræki..
Ferðin heim var stórmerkileg..rúta í sjö tíma frá Kokkola til Helsinki. Flestir versluðu mjög mikið en sumir nánast ekkert og lögðu sig í bíóhúsum borgarinnar. Síðan var flogið frá Helsinki til Köben og Köben heim og fólk orðið mjög þreytt þegar komið var uppá leifsstöð.
Verð að enda pistilinn á nokkrum gullmolum:
Dóra María að tala við Betu og Unnar um Bandaríkin, New York og Chicago = já það er svo geðveikt að fara til New Cagó!!! Jájá..

Beta Gunn að horfa á eistneska liðið keppa við FC United. Vá, sjöan er geðveikt góð, við ættum bara að kaupa hana:) æ nei, hún er pottþétt að spila með e-h góðu liði!...(erum við ekki að spila í Evrópukeppni FÉLAGSLIÐA?!)

Dóra María að taka kjúklingin okkar í kennslustund: hver er höfuðborgin á Spáni? Guðný: ég veit þetta pottþétt..guð..það er Real Madríd! Dóra: ertu alveg viss?? REAL Madríd??já, pottþétt, Dóru finnst þetta náttla svo fyndið og fer til Rakelar sem svarar líka: REAL Madríd, síðan er röðin komin að Laufey Ólafs og hún orðin svolítið skrítin á svipinn (er pottþétt að hugsa um Barcelona) og segir síðan: sko það er allavega ekki REAL madríd, ég er viss um það... VÁ ER LIÐIÐ ALVEG STEIKT AF FÓTBOLTA...!

Liðið að gera sig klárt og er að fara inná völlinn. Það má ekki hafa neitt..engan hringi, né eyrnarlokka. Þegar ein sú grimmasta í bransanum kemur inní klefa að tékka á öllum, Natalie frá Rússlandi segir við betu: No ear rings! Og beta alveg: I’m the coach og nataly fór alveg hjá sér: ohh...beautiful beautiful coach, I’m sorry..

við að drepa tímann a veitingastaðnum.. förum í hver er maðurinn.. við vorum búnar að vera soldið lengi að finna kallinn.. fyrr en ein segir er hann forseti?? þá heyrist í guðnýju, Davið Oddsson.!!!

við eftir sama leik: gugga: ég gerði colin Farrell.. en beta gerða pálma PREST

laufey "ég er svo þreytt að ég gæti barið heilan hest".. meikar það sens? Það er endalaust mikið af gullmolum sem þið verðið síðan að fylla inn í kommentum, nenni ekki meir...until next..